سِستیں، چیلّینتیں وتا وت بْوارتیں
جند رومُست کُتیں باکارتیں
ہستی ءِ ریزگاں اُورت ءُ آرتیں
ہرچی شِنکِینتہ پدا نَزّارتیں
کُورکیں ڈکّال ءَ بہ مِتکلیں بینگ
زہریں ایشرکاں شکر شاکارتیں
ہُشک اِتنت سَنٹیں جُڑانی ماہِگ
اُژّیے نوکاپ بہ دُشتیں بیارتیں
روچ تْرمپ تْرمپ ءَ دل ءَ آپ مکنت
واجہ زَرتشت زِرے اوگارتیں
آس گوں دْریکگاں پیوند کتیں
ٹنٹ اِتنت بْرمش ءُ چِڑکّہ سارتیں
اُشتر ءُ گیچنیں اولاک ءَ اَگاں
پر نہ اَت بار، چیا ٹِکّارتیں