وہمانی جنت ءَ چے دمانے بیت سستگاں
بد ڈولے الّت ءَ چے دمانے بیت سستگاں
یاران منا پلیل ءِ منی کورگانی ایں
امروز ءِ لزّتاں چے دمانے بیت سستگاں
چائے منا بدئے ءُ منی مہروان کہ من
مہر ءُ محبتاں چے دمانے بیت سستگاں
ای ایوکی نُرنڈی دُراہیں شپ منی سرا
دل دوستیں سنگتاں چے دمانے بیت سستگاں
نو زندگی ءُ کرچک کن پیشانی ءَ وتی
وش روحیں شپ جتا چے دمانے بیت سستگاں
مرچی منا زمانگ ءِ اوستان یلا مدے
دردانی سُھبتاں چے دمانے بیت سستگاں
دست جت شراب بوتا گنہگار من بہار
اللّٰہ ءِ رحمتاں چے دمانے بیت سستگاں