کیپ تئی مستیں نگاھانی دماگ ءَ چڈ اتہ
چُش کہ الکوھل شرابانی دماگ ءَ چڈ اتہ
لوگ چونا ءَ منی مردم ءِ ورگ ءَ کیتیں
کُنڈے ءَ شپ اے زمستانی دماگ ءَ چڈ اتہ
من وتا چاراں ءُ جیڈاں اے مناں یا دگرے
کسّے ءِ نا گتیں بیرانی دماگ ءَ چڈ اتہ
شگریں اللہ ءِ مناں نیست دگئے دولت ءُ مال
بس منی نام سیادانی دماگ ءَ چڈ اتہ
مارا دیوانگی ءِ تژن پِر اِنت چَم ءُ سریں
مستی ءِ ناچ ملنگانی دماگ ءَ چڈ اتہ
زرد ترینت منی رنگ بہار عشق ءِ تپ ءَ
درد ہمے مہر ءُ وپاھانی دماگ ءَ چڈ اتہ