مست ءُ گُمراہ ، گنوک ءُ گروناک شپ
روچ گُرتگ تہاروکیءَ کم شرپ
رُژنءِ چمّاں جتہ چسپے بے وانکیءَ
دؤر داتگ ماں کورچاتیں زندانےءَ
بام آدینک شَک، ماہ شیشگ دو کپ
تْرونبگا اَنت دلءِ دید تاوانیں ٹپ
زانت نادْراہیں ہر مکتبانی گُشئے
سیاہیں دروازگاں زنگیں کُبلے جتہ
کِسب وانینگءِ گپتہ روچ کوٗرگءَ
روک مَجگ ءُ سما چو چراگانی جپ
بے زُباں پُلّ ءُ اَنگار گُپتاریں دپ
بے چڑکّہ نگاہءِ زمیں جمبیں بْرمش
رُستگ اَنت گُرکی ہولّاسگانی توار
زِندگیءِ گیابان پِیسکگ نہ کنت
جیڑگاں بازیں ایمان وَہمی کتہ
گال ءُ گُشتن زدگ، لبز پُژمُردگ اَنت
ہون رَج داستاں، ہَڈّ ءُ کامپول گپ
مَنگہیں کِسّہاں نوکیں ساچے بہ گْوپ