لِبزے آں شہداد ءِ، حاکاں کپتگیں
من چو مہناز ءِ طلاقاں کپتگیں
تُکّ ءُ نُک تریاک لیگاریں زُباں
چہ زمیں جُمبیں بَٹاکاں کپتگیں
آسےءَ شاہاں کُدوہانی بہ ڈسّ
گْواتےءَ پیشدار تاکاں کپتگیں
پہ منی آزار پیوندیں دلءَ
بْرہنگیں پستول کاکاں کپتگیں
دان ءُ ونڈ اَنت کبر ہمساہگ منی
سَنّت ءُ پَتّ ءُ تپاکاں کپتگیں
شَپگِروکے، ماں پتاتہ جمبراں
کرپدانک بمبانی تْراکاں کپتگیں
رَستریں آہدءِ نشانی اَنت منی
چُپتگیں کامپول ڈاکاں کپتگیں
تُلّسیں نوداں ترا اِیسکارِتہ
دل زَدگ اَنگار جاکاں کپتگیں
عاجزءَ اَلکاپ شنگینتہ وتا
پہ چِن ءُ نزار واکاں کپتگیں