چَہر گَردان جنترے کہ زِرے
چمّ داں کار کنت زِرے کہ زِرے
دْریپگا اِنت چو ملکموت پہ من
مست ءُ گُمراہیں اُشترے کہ زِرے
مان پوشان اِنت اَبرمءَ لُوچیں
کےَ بزانت کْوہنیں چادِرے کہ زِرے
پیژگاہ بسّ یک بِچیلّے منی
وشّ گوگاہیں ہاترے کہ زِرے
پَردگے دل گَلءَ چہ بال مہ کنت
مارا شیزایت شِنگِرے کہ زِرے
گْورم پیچیں مُہیمّاں مان اَڑیت
چَول پندیں مسافِرے کہ زِرے
ماں چِتہ کَرّیں نوبتءِ گوشاں
موتک نازینکیں زیمِرے کہ زِرے