دُرّ حدیثیں گُشتن گُشتہ یک ءُ دو
دُنیاءَ مارا نہ شَمُشتہ یک ءُ دو
ٹپّ ءُ ٹوری بیت منی ہِنّی ئیں سفر
تئی پیثر گاہ ءَ شِیشگ پْرشتہ یک ءُ دو
سَنٹیں نوداں مرچی ماہِگ رودینتہ
گْوات ءَ پرچے تْرمپ نہ دُشتہ یک ءُ دو
بانوریں بامانی جدیمگ ہون شُبین
ہر لوگے ءَ پُسّگ کُشتہ یک ءُ دو
آہِن سنگر دُژمن اُرد سِلاہ بندیں
کمپانانی دیما پُشتا یک ءُ دو
کرن شُدیگیں اُمر بگندئے آسر بوت
نان بہ رَستیں گوں نا رُشت ءَ یک ءُ دو
زوراکاں پہ اَزگارانی سیتّ ءُ نپ
جنگ سرا دُنیاءِ مُشتہ یک ءُ دو
عاجز لِکّ ءُ پاد تنیگہ اوشتاتہ
دل چہ تئی دیدار ءَ نہ شُشتہ یک ءُ دو