’واہگءِ زامران ہچبرءَ تنگ مہ بات‘
ماہ لقاہ تئی حیال روچے سد رنگ مہ بات
گوں منا دلربا سِہتے دل تنگ مہ بات
محرمیں ساہتاں زاریءُ زنگ مہ بات
شنگ بہ بات ہر گْورا مہرءِ سؤت ءِ توار
شالازئیرانی بے سُر کدی چنگ مہ بات
مئے گُمانءِ ستر رہسراں سواد بہ کنت
تئی بَلے تْرانگ ءُ یات ءِ بورلنگ مہ بات
مہرءِ شانتل زہیرنالیں گوں تو کہیر
اَچ ما ہچبر غمءِ دور مہرنگ مہ بات
تو بہ باتئے ستر سربتگ نورؔ بَلے
ماں جہانءَ تئی مہر بے ننگ مہ بات