مئے غم ءِ ہمسفر، ہمسفر بے وڑ اِنت

مئے غم ءِ ہمسفر، ہمسفر بے وڑ اِنت

تْرانگ ءِ کِشک ءُ در، ہمسفر بے وڑ اِنت

چہ گُل ءِ میتگ ءَ باندا واتر بہ کنت

حالے کاریت نپر، ہمسفر بے وڑ اِنت

واہگ ءِ لذّت ءَ داں صبا ءَ گِراں

دل نہ کنتیں صبر، ہمسفر بے وڑ اِنت

بیا او یاتانی کوش نرم نرم ءَ بہ کَشّ

مارا زیر ءُ بہ بر، ہمسفر بے وڑ اِنت

ارس ءِ کَور ءَ بہ دار، پارسا دیدگ اَنت

چو مہ بیت جیگ تر، ہمسفر بے وڑ اِنت

نہ خمار ءِ طلب نہ شراب ءِ ہَوس

بس تئی درد ءِ اثر، ہمسفر بے وڑ اِنت

نورؔ شعرے بہ گش، گپ ءُ گالے بہ گش

یا بہ کن دو ہبر، ہمسفر بے وڑ اِنت