وفا ءِ ما پہ وتا رنگے دگہ شوہازیں
حیالءَ مئے بہ زانت مہرنگے دگہ شوہازیں
اگاں تئی مہر بہ بیت سؤت تْرانگءِ راہءَ
زہیر ءُ ارس ءُ غم ءِ چنگے دگہ شوہازیں
اے درد ءُ دور ءِ جہان اِنت ادا غمیگ باز اِنت
غمانی ما وتی ’ہمسنگے‘ دگہ شوہازیں
اگاں تئی یات بہ باں دُور غم نہ بیت مارا
حیال ءُ تْرانگ ءِ ’ہمرنگے‘ دگہ شوہازیں
اے زانت ءِ دہر اِنت ادا ہرکس ءِ حیال گْور اِنت
سما ءُ سد ءُ سر ءِ بَنگے دگہ شوہازیں