گل محمد وفا ءِ وانگ ءَ پد
وہدے کہ لال ءِ لسّہیں گیوار سمبہیت
مئے واہگانی شنگتگیں شار سمبہیت
مئے نیمگا اگاں تئی نیکیں نظر مہ بیت
نہ شال سمبہیت نہ کہ لاشار سمبہیت
وہدے رگام مہرءِ بہ گْواریت پہ واہگے
قرنانی قرنءِ تُن پْرشیت ہار سمبہیت
تو شانک دئے خمار ءُ وتی آسکی دیدگاں
مہر ءِ شراب ءُ کیفاں گوں بے سار سمبہیت
کس نورؔ تل نہ کنت وتی جیگ ءَ تئی ہاترا
تئی مَرگ ءِ وہدے چار گْورا جار سمبہیت