تو ارس لوٹئے زہیر گندئے
غمانی اوں نپت ءُ بیر گندئے
بیا شادہءَ، مہبلیں شپانی
غماں مئے قہریں بہ زیر گندئے
ماں ہُلکہءَ تْرانگءِ کہ گردئے
تو چے چے مہرءِ فقیر گندئے
کلمپراں واہگءِ گْورا کن
پہ چندنیں جیگءَ ہیر گندئے
ہر ایوکیءِ دمان ءُ سہتاں
منارا تو چہ من دیر گندئے
مئے دیدگانی رَہءَ سفر کن
دلءِ گوں دردءَ اِنت سیر گندئے
پہ محرمی ہر دمان وارتگ
ما چینچو چماں چہ تیر گندئے
مئے دستءِ پُردردیں تو کپءَ نورؔ
ہزار رنگیں لکیر گندئے