ترا کہ وژدلیں گوٛانکے نہ جنت کس
منا اَرزان تریں دانکے نہ جنت کس
من پہ تو ماہ ءُ اِستالاں بیاراں
بلے آزمان ءِ پدیانکے نہ جنت کس
جہانے آہ ءُ آسرداں بہ اشکنت
فقیری قبرے جہلانکے نہ جنت کس
اے سنگء سیاہ چو کرپاس ءَ بہ بُوتیں
دل ءَ راترٛندیں شِیپّانکے نہ جنت کس
بگندئے چہَر بنت کُنٹیں نظر مئے
تئی جیگ بند ءَ جبرانکے نہ جنت کس
او ممتاز دست ءُ دستار ءِ نہ روت زور
داں زَحم ءُ مُہریں برچانکے نہ جنت کس