روچءِ بْرانزانی تہا تئی نام اِنت
ماہءِ مہکان تئی اندام اِنت
مہرءِ لزّت چہ تو وشی چہ تو
بے ترا تام ہمک بے تام اِنت
اَچ منی چمءِ تْروُنگلیں ارساں
دردءِ ویرانیں ڈگار ہزام اِنت
میر سُنٹ اِنت گوں بُروتاں چرپیں
میتگ ءِ لوگ لوگ ہمشام اِنت
شپ ماں یاتانی پڑءَ سرجم بنت
دردءِ بندات پدا گْوربام اِنت
گوں منا پر چی نہ گْریوئے شانتل؟
تئی اوں مہرانی جہان لیلام اِنت
نورؔ! شیرکن ءُ بینگیں دوست ءِ
شہدیں رکّانی منا ہوشام اِنت