نوں باریں کئی ہر شپ مارا ودار بیت
گوں تْرانگاں تئی دُردپ مارا ودار بیت
تئی غم کننت زاناں روچے من سرپداں
زردءَ منیگءَ کپ کپ مارا ودار بیت
کد کیت بے گُمانی، گُل باریں پہ منا
تئی مہر ءُ واہگءِ تپ مارا ودار بیت
مئے جیگ تَل تَل اِنت ءُ مئے ہوش بے وت اِنت
ہرکس گشیت بے نپ مارا ودار بیت
او مہروانیں تْرانگ! مئے واہگءَ بہ زان
ہوش ءِ سرا مئے سرکپ مارا ودار بیت
بے وانکیانی سیاہ شپءَ گیر اِنت گُل منا
تئی بے بہائیں ہر گپ مارا ودار بیت