من تئی ساہ! تو منی رُوح ئے
دردءِ ہمراہ! تو منی رُوح ئے
مارا تو مہرءِ منزلءَ سر کت
تْرانگءِ راہ! تو منی رُوح ئے
من کہ نازیناں دردءِ روزردءَ
مہرءِ بانگْواہ! تو منی رُوح ئے
ماہءِ مہکانیءِ گراں رازءَ
دُروشم ءُ بْراہ! تو منی رُوح ئے
وشیانی جہان تالان بات
درد ءِ بنجاہ! تو منی رُوح ئے
تو وتی تْرانگاں بہ کن سرریچ
زند اِنت بیگواہ! تو منی رُوح ئے
نورؔ گُشے بے گُمانیءَ در کیت
چہ دلءَ آہ! تو منی رُوح ئے