مئے زند بدل بیتگ مئے ساہ پُلگ بیتگ
ہر ڈیہہ ءُ ہمک ہند ءُ ہرجاہ پُلگ بیتگ
مئے زندگیں ارمان ءِ کس جُست ءَ نہ کنت چون اِنت
مئے عمر شتگ گار اِنت ارواہ پُلگ بیتگ
نوں چوں گْوزیت باریں مئے زند ءِ سفر گْرانیں
وہدے کہ منی درد ءِ ہمراہ پُلگ بیتگ
بس دْرچک اِنت زہیرانی ءُ جنگل اِنت بےسیتیں
کہ منزل اَت مہرانی آ راہ پُلگ بیتگ
بیا روچ شپ ءَ لیٹین مئے غم جتیں پاسانی
نوں واب کجا کیت اِنت سرجاہ پُلگ بیتگ