حون کیت چہ دِیدوکاں، آس ماں دل ءِ دستاں
تئی غماں کتگ آزات ساہ چہ قاتل ءِ دستاں
کئے پہ کئے اِدا نندیت پُرس ءُ فاتحہ یے کنت
ہر کسی دل انت سِنگ ءِ، ہر کسی گِل ءِ دستاں
مارا پہ وتا کاریں عاشقیں دلے اَنچیں
کہ بہ کنت پدا ہنّی مہر ءِ منزل ءِ دستاں
کاریت رُنگراہانی وت مُسافریں درداں
اَنچیں یک چراگے تئی جٹّ ءُ جاہل ءِ دستاں
وہد تو بُگش باریں گوں کئے ءَ کنئے گِلّہ
چم پہ اَرسی ءَ کور اَنت روک دل، دل ءِ دستاں
دل منی زَدگ باتیں تنکہ زندگ اِنت ممتاز
لال ءِ منگلیکانی لہمیں زیمل ءِ دستاں