مُلاّ فاضل ءِ نام ءَ
دل وتا مُفت ءَ مہ رنجین ءُ مکن گِلّہ ءُ زنگ
دنیا مکّاریں جنینے داب کنت ہر رو پہ رنگ
پہ منا گنج اِنت ہمے یکیں ہبر کہ زندگاں
من دل ءِ بارءَ بہ توراں نیست چُشیں شاہیم ءُ سَنگ
’شمبہ‘ ءُ ’شانزدہ‘ مہ سینگاریت وتا راج ءِ جنک
حمل ءَ دزگیر کننت بلکیں زِر ءِ چَمّ ءَ فرنگ
من ہما اِنت کہ ترا دیستگ گوں نرمیں گِلّہاں
تاں ہما روچ ءَ گُشئے عقل ءُ دل ءِ برجا اِنت جنگ
تو ہمے رنگ ءَ وتی ٹہلانی کیفاں گیش کن
تنکہ تاہیرے دل ءَ جا گہ بہ دنتیں تئی ملنگ
گوں دل ءِ حوناں بہ سبزات اِنت عشق ءِ مچکدگ
مہر ءِ ہامین ءِ بہ کنت آباد منی دَزکِشتیں گوٛنگ
آ کہ ممتاز چہ زہیر ءِ سیمسراں سر بوتگا
جنت ءِ لذت نہ بتیں آ غم ءِ پار سَنگ ءُ سَنگ