دل ءِ محرمیں کپودر اَگاں مرچی زہیر نال اِنت
تئی رہسرانی واہگ منی ترٛانگ ءُ حیال اِنت
پہ لقاہ ءُ رنگ ءُ درٛوشم توئے سندھ ءِ سسی ئیں پُل
تئی نیٛادی ءَ مُرادیگ منی کیچ ءِ ہر چنال اِنت
بیا ساعتے مروچی شَپیں مہپراں بہ شنگین
پہ من شادہانی مِستاگ تئی مُود ءِ ٹال ٹال اِنت
دل ءِ اَندر ءَ مہ بیتیں اَگاں مِہر ءِ شیرکنیں غم
گڑا بے اَثر جہان ءَ ہمک شاعری ءِ گال اِنت
منا سردی ءَ وَ سوتکگ منا گرمی ءَ بَدینتگ
اے شگان ءَ کس مہ جَنتیں منی ہُلکہ ءَ دمال اِنت