دانکہ غمانی منزلءَ سر نئے وفا نہ اِنت

دانکہ غمانی منزلءَ سر نئے وفا نہ اِنت

چہ ہوش ءُ سارءَ تو وتی در نئے وفا نہ اِنت

ما زانگءَ گناہے بلاہیں نہ کت بَلے

اوتْرانگانی دْرچک مئے بَر نئے وفا نہ اِنت

تو اوں وفاءِ چادرءَ ساہیل بیا بہ کن

دل تو گوں محرمءَ وتی شَر نئے وفا نہ اِنت

تو دانکہ بانگواہءَ وتا عرشءَ سر نہ کت

زاناں شپانی آہءِ اثر نئے وفا نہ اِنت

تئی نامءَ اے جہان پمشکا نہ زانت نورؔ

تو دلبرءِ کہ شہدیں ہبر نئے وفا نہ اِنت