داں ہما روچ ءَ تئی دیما چہ یک کِر بیتگاں
زندگی ءِ سہگریں راہ ءِ مُسافر بیتگاں
اِشکتگ کہ زی وتی گوں دزگُہاراں گوستگ ئے
من تا دیراں ہوں ہما راہانی پدگر بیتگاں
تئی در ءِ دیما منی سجدگ نہ بنت ہچبر قضا
کئے ترا گُشتگ نہ زاناں کہ من کافر بیتگاں
چاپ جتگ استالاں عید ءِ نوک ءَ نازینکے جتگ
آ شپ ءَ ادلس ترا بانوری ءِ پر بیتگاں
دل من ءَ ہر روچ بُرسیت انت بلئے گُنگ انت زبان
آ کجام درد اِنت کہ ممتاز من ہوں شائر بیتگاں