ﷲ ﷲ تئی گُمانءِ شیرکنی
ماہ ءِ شیریں ماہکانءِ شیرکنی
ہؤ بہ گش زئیرراں کئی زرنگ ترا
تو چو کم کم ءَ سچان ئے شیرکنی
شالا چو مئیگءَ ترا دوستے بہ بات
درد چی یے تو بہ زانئے شیرکنی
من پہ شوہازءَ وتی در پہ دراں
تو وتی دوستءِ غمان ئے شیرکنی
چوں گْوزاننت زندمانءِ روچ ءُ شپ
تو منی حالءَ نہ زانئے شیرکنی
دْرپشناکیں واہگءِ استالے آں
تئی غمانی آزمانءِ شیرکنی
ما وَ دوستیں چہ ازل پیداوریں
تو چیا دنتان دْرشان ئے شیرکنی