’اَچ وت گِسر کپتیں کہ بیگاہے منءُ لالءِ حیال‘
جاہے زمانگ گوں وت اَت جاہے منءُ لالءِ حیال
بلکیں پہ بے مہریں جہانءَ مہرءِ مستاگے بہ بیت
بل شنگ کنیں دردانی بانگواہے منءُ لالءِ حیال
پہ ملکموت ءَ شادہانی زندءِ مہکانیں شپاں
کہ اڑ دئیں نوکیں دگہ ساہے منءُ لالءِ حیال
سہباں حیالاں شنگ کنیں گوں محرمی پہ ایوکی
زُوریں غمانی کترہاں آہے منءُ لالءِ حیال
تہرونکیءَ مارا وتی ہمراہ نہ کت ماں نیم شپاں
پہ وت نوں شوہازیں غمءِ ماہے منءُ لالءِ حیال