زلماں گٹگیر بوتگیں من تو

زلماں گٹگیر بوتگیں من تو

اَچ وت ءَ دیر بوتگیں من تو

پرشتگیں زیارتے بہ پھریزیں

مُرشد ءُ پیر بوتگیں من تو

جور چارینت وتءَ را بدواہ ءَ

شکلءُ شیر بوتگیں من تو

دپ سلاھے اوں کس نہ جنت مارا

وت دلیں میر بوتگیں من تو

”چم پماھورتیں گندگ ءَ کور اَنت“

آجزءُ پیر بوتگیں من تو

ساھگے سرد ءُ ساھگے گرم اِنت

کُلبر ءِ کھیر بوتگیں من تو

جنگ کپتہ مئے ساھگ ءَ عارف

توپکءُ تیر بوتگیں من تو

زھگ گار اَنت چہ میتگءَ عارف

پدءُ پدگیر بوتگیں من تو