یکبرے بئیت پدءَ کُش ایت بہ کُش ایت
مھر دنت ایں من ءَ کُش ایت بہ کُش ایت
یکءُ دو روچ انگتہ ھستیں
آ من ءَ پیسر ءَ کُش ایت بہ کُش ایت
من پمائی ءَ زندگوں عارف
آ من ءَ ھر کجا کُش ایت بہ کُش ایت
تیر جنت ایں یا پاھو ءَ درنج اِیت
اشک من ءَ ھر وڑءَ کُش ایت بہ کُش ایت
من کہ دین ءَ چہ در بہ باں عارف
کوریں مُلّا من ءَ کُش ایت بہ کُش ایت
جنگ دو دیم ءَ کہ مَچ اِتگ عارف
ھر کسے ھر کس ءَ کُش ایت بہ کُش ایت
دژمن ءِ نیک دوائی ءَ زوراں
دوستے ءِ بد دواه کُش ایت بہ کُش ایت
داں کہ من زندگاں سلامت بات
من کہ مرتاں وتءَ کُش ایت بہ کُش ایت
راستیں گپ ءَ پہ ھک گشاں عارف
رندءَ ھرکس من ءَ کُش ایت بہ کُش ایت