یک ھساب ءَ دُور داشتہ یک کرار ءَ چیر داتگ
مھروانی ءِ کِشک ءَ تو وتارا چیر داتگ
دھر چونی ءَ سھیگ اِنت مئے محبت ءِ راز ءَ
من ترا دل ءِ ڈبّ ءَ بے توار ءَ چیر داتگ
شئیر ءُ شائری رپکاں تو وتارا زائر کت
لبز ءُ نُکتہی پیچاں من وتارا چیر داتگ
درْوگ کُروس ءِ یک ٹانگ اِنت ھر کجا بروت ءُ بیئت
راست ءُ پاک دلیں انسان ڈُھونڈ وار ءَ چیر داتگ
کئ گلگ سرا اُوشت ایت کئ شگان دل ءَ جل اِیت
لاپ ءِ جیڈا ءُ جنگ ءَ ھرکس ءَ را چیر داتگ
نوں کجا بگنداں من عارف ءِ تبیں مردم
انتزار ءَ چیر ترینت اعتبار ءَ چیر داتگ