تھنائیءِ شکار کتہ یار تو منءَ

تھنائیءِ شکار کتہ یار تو منءَ

بے یارءُ مددگار کتہ یار تو منءَ

نوں من جھانءِ راستیءَ باور کجا کناں

دروگانی اتبار کتہ یار تو منءَ

تی آھگءِ ھسابءُ کتابءَ گوزان انت زند

شش شبے انتزار کتہ یار تو منءَ

باریں، چیا، چون کجا، کئیت ایں، نئیت کئیت

وھمانی روزگار کتہ یار تو منءَ

نوں من کجام مھکجءِ امیتءَ سر گراں

یارانی بس انت یار کتہ یار تو منءَ

اے یکءُ دو روچءِ کسہ نہ اِنت عزیز

داں ھوش انت دردوار کتہ یار تو منءَ

اے وھد من چپیں دستءَ لیٹینتگ ات بلے

بے وارءُ بے کرار کتہ یار تو منءَ

آجاہءَ من کہ اتکاں تی زیارتءَ عزیز

آ جاہءَ لڈءُ بار کتہ یار تو منءَ