چونیں توارے کہ ہر چی بہاانت
زانت ءِ لباس ھم
ءُ شال ننگ ءِ
ھیاہانی پوشاک اوں ازران نیاد انت
چونیں تو ارے کہ ہر چی بہاانت
استال شپانی
کلیں ماھکانی
ذر گوات ذرانی
سارتین سمین ھم
چونیں توارے کہ ہر چی بہاانت
دوستانی دوستی
سیادانی سیادی
نیزگار ءِ نیستی
مہریگ ءِ واھگ
مہناز ءِ پادینک
ءُحانی ءِ سنگہ
چونیں تو ارے کہ ہر چی بہاانت
رندانی چا کر
ءُ لاشار ءِ گہرام
حمل کون سیاءءَ
کیا شلنگ ءَ
دودا ءُ دراہ
بیر گیریں بالاچ
چونیں تو ارے کہ ہر چی بہاانت
کئی اے تواریں
بلے نوں ما زاناں
گوں نیمون ءَ درکیت سَوداگِر ی ءَ
ھما پارساہ انت کہ پہریز کنت دائم ءَ زائری ءَ