باگیں بہشت ءَ آس ءِ ہچبر عذاب نہ دیستگ

باگیں بہشت ءَ آس ءِ ہچبر عذاب نہ دیستگ

مئے بےنمازیں کنٹ ءَ چوشیں ثواب نہ دیستگ

سر پر نہ بیت تئی ہم چونیں حسابے باریں

شیطان بگندئے اتکگ مرچی تو واب نہ دیستگ

اے واھگ ءِ زر ءَ ہم کہ بوجیان سوار انت

بلکیں بئیت توپان ایشاں تیاب نہ دیستگ

ورنائی ءِ بہار انت بلکیں ترا ہم یات انت

کہ کنٹگاں تئی باگ ءَ پُل و گلاب دیستگ

ہرچی اوں بیت زائر کہ چیرو کائی بیتگ

تو ماں وتی ھیالاں اودے حساب نہ دیستگ

کرتگ منا شگانی دنیا ءَ تو نہ آتکے

بیتگ کہ مائیکانی من مہتاب نہ دیستگ

تو اوں زبیر زانئے من شاہدی نہ داتگ

امروز ءِ پسواں چہ من ہچ جواب نہ دیستگ