چم وتا سک انت دست دُنیا ءَ
سرگنوگ اَنچیں است دُنیا ءَ
اندر ءِ آس ءَ تو نزانئے ھم
ہر کس ءَ کنت انت مست دُنیا ءَ
گوں غماں زِند ءِ بوت ھَمراھی
بنی آدم ءِ سر گرست دُنیا ءَ
واہگ ءِ منزل ھمئےگسر کپتگ
ھو۔ بلے انگت کست دُنیا ءَ
ماں شپ ءِ ستر ءَ آ جَنین چُک ءَ
چونیں ارمانے رست دُنیا ءَ
چو نزانت دلبر شاعر ءِ پگر ءَ
زانت ءِ ورناھی گوہست دُنیا ءَ
معنہ ءِ دَریا ءَ کپ انت بلکیں
لچھے اَنچیں است دُنیا ءَ
تو زبیر اوست ءِ ساھِگ ءَ گندئے
روچ ءِ استال ءَ مست دُنیا ءَ