سھل ءُ سھلکاری تئی چے کارءَ کیت
دنیاداری تئی چے کارءَ کیت
ملکءُ میراس کہ برتگاں دگراں
راجءُ راجکاری تئی چے کارءَ کیت
سکیّاں داں نہ بئے منی ھمراہ
دوستءُ دلداری تئی چے کارءَ کیت
پنچ کلدار پہ چُورو ءَ درنئیت
سیرءُ ازگاری تئی چے کارءَ کیت
پیگ پچگا اِنت دز ءِ مات ھر شپ
پاسءُ پاسداری تئی چے کارءَ کیت
دیم ءَ سیاہ کنتءُ لاپ ءَ رودین ایت
دگہ اے دلاری تئی چے کارءَ کیت
داں وتی جند ءَ در نہ گیج ئِے عزیز
پٹءُ پولکاری تئی چے کار ءَ کیت
جورجوابانی پترءَ عارف
شھد گپتاری تئی چے کار ءَ کیت
کسے کہ آھگ ءَ نہ اِنت پتو
راہءُ راھچاری تئی چے کارءَ کیت
گنگءُ کرّانی مجلس اِنت عارف
واز ءُ پُتاّری تئی چے کارءَ کیت