پیریں پس ءُ ونتگءُ وانیتگاں کلیں سبک
بے زمیریں بچ ءِ چماں نکتہ ئِے زاھر نہ بیت
من کجام اُزرءَ پہ تو ساہءُ سرءَ ساٹ اِت کناں
مرگ اندیمیں کزائِے زندگی موجر نہ بیت
شئیر بے تو ساہ نہ کشاں لبز ماناءُ بیان
اکلءُ دانائیں گنوکی کور بیت شائر نہ بیت
جیگ ماں جیگ اِنت وت ماں وت یاکُشتءُکوشیں توءُمن
آدمی ذات ءِ ھسد اِنت مستر ءُ کستر نہ بیت
اے منی وش بھتی اِنت کہ تو گوں نوداں اتکگ ئے
دوستی ءِ سبزیں بھارءَ دژمنی زاھر نہ بیت
تو ستر نیک کاری ءَ نیک نیتی وش نام بہ بئے
دل کہ پولنگاں کروتکہ پاک تئی چادر نہ بیت