نیست ایں شپ ءَ ھسابے ءُ روچ ءَ دو روچ بگش
گوں من نہ بیت کہ چپشک ءِ گونگ ءَ کروچ بگش
اے کہ نوں جھمننداں واھُند ایشاں بگش
آھاں کہ لڈاتگ چداں کوچ ءُ بلوچ بگش
یک روچے کیت ایں آس تئی بالاد ءَ ھاک کنت
انوں تو شھر ءُ میتگاں سوچے بُسوج بگش
پس ءَ کتابے ونتگ ءُ داتگ من ءَ سَبک
"ز" ءَ زمین بلیک ءُ "ب" ءَ بلوچ بگش
ھر پیم ءَ راست ءَ گنداں من راستیں ھبر کناں
چماں بہ کش یا کہ زبان ءَ بدوچ بگش
پمن عزیز جیگے مھر مادریں وتن
نکش ءُ نگار ءُ پرشتگیں دیواراں دوچ بگش