ننگ ءُ ناموس ھاک کنتءُ جنگ کنت
واک ءُ بے واک واک کنتءُ جنگ کنت
ناشرءُ نہ بودگاں چُک برتگاں
اھدءِ شاھین جاک کنتءُ جنگ کنت
نوں اے دھکان سر ڈگار ءَ ھم وتی
ماشءُ پرماش ماک کنتءُ جنگ کنت
جنگ جنگولءَ چتہ کہ نوں ترا
تاک تاکءَ تاک کنتءُ جنگ کنت
جی پہ بالاچ گونگیں بالاچءَ بات
راجءَ دلپاک کنتءُ جنگ کنت
جی پہ مھرنگ ءِ بلوچی زھرگءَ
جنگءَ جنگءِ ٹاک کنتءُ جنگ کنت
جی ملنگیں عارف ءِ دیوانگی
جیگ ءُ جامگ چاک کنت ءُ جنگ کنت