ننگ ءُ ناموس ہاک کنت ءُ جنگ کنت
واک ءُ بے واک واک کنتءُ جنگ کنت
ناشر ءُ نہ بودگاں چُک بُرتگاں
اہد ءِ شاہین جاک کنت ءُ جنگ کنت
جی پہ بالاچ گونگیں بالاچ ءَ بات
راجے ءَ دلپاک کنت ءُ جنگ کنت
نوں اے دہکان سر ڈگار ءَ ھم وتی
ماش ءُ پرماش ماک کنت ءُ جنگ کنت
جنگ جنگول ءَ چتہ کہ نوں ترا
تاک تاک ءَ تاک کنت ءُ جنگ کنت
جی پہ مہرنگؔ ءِ بلوچی زہرگ ءَ
جنگ ءَ جنگ ءِ ٹاک کنت ءُ جنگ کنت
جی ملنگیں عارف ءِ دیوانگی
جیگ ءُ جامگ چاک کنت ءُ جنگ کنت