من نیکءُ بد گیشینتگاں ھر شَر ءُ شِر وانیتگاں
لبزانی چم سرمگ کتاں زیرءُ زبر وانیتگاں
شہ زانتءُ شرنگیں جنک یا چاگردءِ بنامیں بچک
ھرکس پہ دل رودینتگاں پہ ساہءُ سر وانیتگاں
یک ءَ پہ دہ لکءَ مہ بند دنیا ءِ ھستی زنگ بیت
ھر جہ منند سرپد کتہ ھر راہ گزر وانیتگاں
چم ءِ چراگ، ایمان ءِ دل، مھرءُ وپا راہ بندءُ راہ
تو یک دمان بے ھال کتاں من چنچو بر وانیتگاں
چے ھون ءُ ھاک چے مرگ ءُ زند، چے مھرءِ گم چے دروگ ءُ راست
سنگر سبک داتاں وتی ھرگٹءُ گر وانیتگاں
بے بودءُ کم اکلیں جوان رولءُ اگولی گشتگاں
شھماتءُ لٹ ماں بستگاں پہ زورءُ سر وانیتگاں
عبداللہءُ شیھک بہ باں یا فیصلءُ ابرار، عزیز
من چنچو نام وژنام کتہ پہ نیکیں نزر وانیتگاں