گیابءَ درچکے ءِ شاھے پرش ایت بگش شیئرے
کپوتی کوکوئے گوشاں کپ ایت بگش شیئرے
پہ شیئرءُ شائری کٹینتگ من وتی دنیا
ترا کہ بے منءَ اچ وش نہ بیت بگش شیئرے
اے دھرءَ پشی ولی بیت داں تئی نہ انت جیڑہ
کچک مزارےءِ پوشاکءَ بیت بگش شیئرے
زمین زمین انت زمینءَ نہ بیت ریاکاری
اے آزمان تئی چَک ءَ کپ ایت بگش شیئرے
منی وپا تئی دیمءَ نئیت داں پروا نیست
منی ھیالے تئی دیمءَ گوزایت بگش شیئرے
تئی شیئر گوستگیں روچانی ترانگءَ گیج انت
گمیگیں درداں کرارے رس ایت بگش شیئرے
درآمدانی اگاں جنگءَ مرت داں پھر بکن
بلوچ، بلوچےءِ دستءَ مرایت بگش شیئرے
کسے گوں دوستےءَ نشتگ داں اچ مگش عارف کسے کہ دژمنءِ اکلءَ کپ ایت بگش شیئرے