دل ءِ ھُشکاوگ ءَ دریا دیئے تو

دل ءِ ھُشکاوگ ءَ دریا دیئے تو

ھمے کار ءِ تہ ءَ جلواہ دیئے تو

سپر ھر نیمگءَ منزل ودی کنت

کجام کشک ءَ من ءَ بیراہ دیئے تو

ابیریں گواتے ءِ رپتار ءَ کائے

منی ھمراھی ءَ زیبا دیئے تو

اجب تئی کُدرتے برزءُ بلند اِنت

ملنگاں ھر کجا جاگاہ دیئے تو

ھمک گام ءَ دگے دیمے تچ ایت ایں

ھدا چونیں من ءَ ھمراہ دیئے تو

ادءَ ھرکس پتو کشکے بدل کنت

کجام بختاور ءَ بددُوا دیئے تو

عزیز تو انچیں کندیلے ئے پمن

شپءُ روچ یک وڑءَ رژناہ دیئے تو