درد ءِ جنگ ءَ گمان جنگ ءَ اِنت
مرگ مڑاھے شگان جنگ ءَ اِنت
ساری ءَ تو جتاں زمین ءِ بچ
نوں ترا آزمان جنگ ءَ اِنت
بوت ھورے ءُ اتک بھارگاھے
ٹیٹلیں آسکے جان جنگ ءَ اِنت
چوں نزور تراِتگ تئی دژمن
شوانگ ءُ ساربان جنگ ءَ اِنت
ترس ءُ دروگ ھر دو نیست مھرنگ ءَ
راستیں گپ ءَ پہ شان جنگ ءَ اِنت
اے بلوچ زالبول ھترناک اِنت
تیراں ٹِک ءُ نشان جنگ ءَ اِنت
دژمن ءَ بد دوا مدئے عارف
آئی ءَ وت قرآن جنگ ءَ اِنت