دگہ چنچو درد کاریت دگہ چُنت آہ دنت
هر کس وتی زہیراں منی لوگ ءَ راہ دنت
مئے پیمیں عہد رپتگ ءُ کوہنیں شرابیاں
دنیا انت کیت هر شپ ارساں بہا دنت
تو همسپر بہ بئے تہ هزار رنج چم ءُ سر
تو بے وپا بئے تہ دگہ کئے وپا دنت
موجر کنت زندگی ءِ الماسیں واهگاں
بانک مچاچاں زوریت ارساں پناہ دنت
شیتان ءِ روﻫ اتکگ منی باتن ءِ تها
پچ گیپت هزار نیکی کمو گناہ دنت
مرچگیں روچ ءَ بس منی نام ءَ نبشتہ کن
بانداتگیں زمانگ باندا دگا دنت
تهنا شراب ءِ پکر ءَ کمو تکانسُراں
ارشاد اینچو زاناں روزی خدا دنت