مُردگاں آس دئے زندگاں کڈ بکن واجہ فرمان کنت

مُردگاں آس دئے زندگاں کڈ بکن واجہ فرمان کنت

من کہ ہرچی گُشاں تو ہما وڈ بکن واجہ فرمان کنت

ہو اگاں تو بلوٹے کہ سرپد بہ بئے، زند ءِ گیگانیاں

زِرد ءَ آسے بہ جل، چمّاں ساوڈ بکن واجہ فرمان کنت

راہ رواجی منا آسے ءِ دامن ءَ گوات ءَ ہلوت کتگ

پُل ببات اَنت شْریش، مچّاں سَمّڈ بکن واجہ فرمان کنت

انشپی کئے بزانت گوں تئی بالاد ءَ دردے دگے در بہ جنت

کرمزیں لنٹاں شر پَنّ ءُ آمڈ بکن واجہ فرمان کنت

بِلّے ہمروچ لاشے کپیت جنگل ءَ حون شنزیں تلارانی جہلانکی ءَ

قاضیؔ کُہتی مہ بی، تو دل ءَ ڈڈ بکن واجہ فرمان کنت