مہکان ءِ کَنجلانی سرا برانز لیب کن اَ نت
اے رُوح ءِ مَلپدانی سرا برانز لیب کن اَنت
چونیں ھیال ءِ بُنپدے پاد اتکہ اندر ءَ
مئے زرد ءِ اے جسانی سرا برانز لیب کن اَنت
مُرگانی واب باریں کجام درنگ ءَ ٹنّگ اتہ
کہیرانی شاھڑانی سرا برانز لیب کن اَنت
اّوشتاتگ اَنت چم پاد ءِ سرا بژن ایں چانُوے
درکئیت چہ ھنسگانی سرا برانز لیب کن اَنت
آستونک ءِ تہریں دُوچ ءِ تہا مان اِنت اِشکَرے
مانداریت بندیکانی سرا برانز لیب کن اَنت
آپ ءِ تہا ما رُوک باں ، ھاک ءِ تہا سُچاں
گرماگ ءِ اے جلانی سرا برانز لیب کن اَنت
تُنیگ ءَ جُست بہ کن بہ رو چے پسّو دنت ترا
زند گوستہ کانیگانی سرا برانز لیب کن اَنت
سُوتکگ ھدا ءِ لوگ پُر اِنت آسیں جمّر ءَ
گورتہ شَلے جُزانی سرا برانز لیب کن اَنت
راہ بندی ماری کینگاں چہ در کن ات دلءَ
داؔد زھریں زھرگانی سرا برانز لیب کن اَنت