کس نہ زانت اِنت تب ءِ دیگریں مُولماں
زہراں سہڑینتہ دل گیشتریں مُولماں
رُوچ ءَ پرماتگ کہ سُرمگانی بہ دُز
کس نہ چاریت شپ ءِ پدگریں مولماں
گوات ءِ سیاہی ءَ رُو زردیں کاگد پتات
چماں باھندّ کُت زاہر یں مُولماں
ہجگیں جوہ ءِ سر ءَ زامُراں بستہ شونز
رُولہیں آپ چکر ایت زریں مُولماں
درچک ءُ دار برھنگ انت آسچکیں موسمءَ
ریتکگ انت تاک ءُ پُل ناشریں مُولماں
دل ءِ کشک جنان انت ہزار چوٹکاں
کہ ہزینتہ ازل پچ گریں مُولماں
داد کُج انت دانچوپ ڈن ءِ آ سُورگو
کار ءِ کٹ ءَ شتہ دیم گر یں مُولماں