من روچ ءُ شپ جیڑاں ترا
تو ہفت زمین ءُ آزمان ءِ واجہ ئے
شگرب داں مگرب مہران
استال، ماہ ءُ کلکشان
ژیمب ءُ گر ءُ کوہ ءُ جبل
ابرستگیں جمبر گوں گواتی شیکگاں
گْرند ءُ گْروک ءُ ہور ءُ ہار
کیفانی گمراہیں ملار
شاہین ءُ شاہی مرکباں
زِر گوں جلانی دبدباں
اسپ ءُ تگّس ءُ پیل ءُ آسک
مسک ءُ ابیر ءُ زاپران
ماہ ءِ جلکش ءُ ماہیکان
مُرگے بہ بیت، مارے بہ بیت
تئی نور ہر جاہ جمبلاس
تو رگ رگ ءَ گون ئے منی
بے تو ہمک شے حاک ءُ جس
ہرچی چہ تو بندات بیت
ہر چیز اچ تو آسر اِنت