مکہیں ڈیہہ ءِ وتی ھیسی سراں پاد بہ کنت
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
مکہیں ڈیہہ ءِ وتی ھیسی سراں پاد بہ کنت
کئے بروت حاکم ءِ دروازگ ءَ پریاد بہ کنت
گرمیں گواتے تئی بالاد ءِ کشّ ءَ ہم مہ گوزات
ترا شالا داں جہان است خدا شاد بہ کنت
مدّتے بیت کہ زہیروار اِنت پہ باگیں ہتم ءَ
کئے اے ویرانیں دل ءِ میتگ ءَ آباد بہ کنت
کنٹگے بیت کہ منی آبلہ پاد ءِ بہ سرپ اَنت
کئے پہ پُلّے وتی دنیائی ءَ برباد بہ کنت
تو کہ دو گال ٹہینتگ پہ عذابے قاضی
باندا لازم نہ اِنت امروز ترا یاد بہ کنت