گوں من بگندئے کار دگہ شر کنگ نہ بیت
تئی یات زندگاں چہ دل ءَ در کنگ نہ بیت
من چے گشاں کہ چون منارا تو دوست بئے
هر گپ گوں مردم ءَ منی دلبر کنگ نہ بیت
مرگ ءَ چہ رند کبر ءِ تہ ءَ شائری کن آں
اے مئیگ ءُ تئی مهبت اِنت آسر کنگ نہ بیت
مشکولاں انچو من گوں هداوند ءِ کدرتاں
هچ نیمگ ءَ هیال دگہ گْور کنگ نہ بیت
مارا وتی کساس ءُ هساب ءَ بہ بیت نسیب
پہ کترهے شراب ءَ جگر تر کنگ نہ بیت
چونڈ اَنت دل ءَ زهیر چو هونواریں رستر ءَ
چونیں کمار ءُ لِذّتے باور کنگ نہ بیت
کازی زدگ کتگ من ءَ تژناں زمانگ ءِ
بے آسرائیں دل بلے پدّر کنگ نہ بیت