آپ ءُ آس ءِ روانی ءِ نام ءَ
شگرب ءَ گر داں مگرب ءَ درکپ
آس مُزرو وتی نشانی کتگ
من وتی داستان گیشینتگ
من نزانتگ چراگ بالو بنت
من نزانتگ کپوت ٹہک دئینت
من نزانتگ کہ آزمان کپیت
من نزانتگ کہ گلزمین رجیت
بے ریائیں زمانگ ءِ دَمکاں
زندمانی چو کاگدانی وڑا
مارا یاتانی بانزْلاں بندیت
سرجمیں دّمک سر گْوزان کتنت
دیریں دنیایے ءَ گسر کپتاں
ٹیٹلیں شینکے ءَ ریپینت منا
کبروؔ دیست جیڑگانی تہا
کمو بچکند اتے، پدا گشت ئِے
”موبی لنک“ وپس تئی سرا پْرنچاں
تو نزانئے من چنچو بے واباں