داں چنت روچ ءَ وداری بہ باں صبر بہ کناں
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
داں چنت روچ ءَ وداری بہ باں صبر بہ کناں
منی دل ءَ اِنت وتا چہ وتا گسر بہ کناں
کجا نزاناں منا زندگی دُچار کپیت
کجاکجا من وتی جند ءَ در پہ در بہ کناں
ماں شہر ءَ کسّ منی پجّارگ ءَ تیار نہ اِنت
کجام جنگل ءَ جون ءَ وتی قبر بہ کناں
منی مثال چو گیمرتگیں کلیر ءِ اِنت
من آپ وارتگیں درچکے نیاں کہ بر بہ کناں
منی تو دیری ئیں یک راز دارے ءِ قاضی
منا اے زیب نہ دنت گوں ترا ہنر بہ کناں