تو سمین مِسکیں کؤش زِر گؤات ئے

تو سمین مِسکیں کؤش زِر گؤات ئے

من تلب گار تئی مِہر ءِ سوگات ئے

تو منی سُہب ءُ سارتیں بیگا ئے

تو منی مرچیگ ءُ پُلّیں باندات ئے

بِھ نہ بئے بے حال ءُ شموشگ تو

تو دلءَ نقش چو مِسلءِ آیات ئے

ہِچ دگہ امبروز ءَ نہ لوٹاں من

پہ من ءَ گنج اِنت تو گلءُ شات ئے

تئی شموشگ نوں پہ من ءَ گِران اِنت

زندگاں دانکہ تو من ءَ یات ئے

ما ءُ تو یکّیں حاک ءِ بُنیاد ایں

تو مہ جن گپّ ءَ زات ءُ زُریات ئے

دشتی نوں نیاد ءِ پترّ ءَ پیچاں

دل تہا کپتگ درد ءِ کور چات ئے